ჩართეთ თქვენი შვილი საკვების მომზადების პროცესში

სამზარეულო ისე მოაწყვეთ, რომ ბავშვისთვის მოსახერხებელი იყოს იქ მოძრაობა

• მოამზადეთ ბავშვისთვის განკუთვნილი ჭურჭელი - ჭიქები, ჯამები, დანები, ჩანგლები, კოვზები, დოქები და ა.შ.
• მოათავსეთ ეს ნივთები საკმარისად დაბლა, რათა თქვენს შვილს დამოუკიდებლად შეეძლოს მიწვდომა და კარის გაღებაც ადვილად შეძლოს.
• მოძებნეთ ბავშვისთვის მყარი, მსუბუქი სკამი, რომელსაც ადვილად გადაიტანს ადგილიდან ადგილზე და რომელიც სამუშაო ზედაპირებთან წვდომის საშუალებას მისცემს.

უჩვენეთ ბავშვს, როგორ მზადდება საჭმელი

• თქვენს შვილს შეუძლია წვლილი შეიტანოს კერძების მომზადებაში, ისეთი მარტივი დავალებების შესრულებით, როგორიცაა კარტოფილის ან სტაფილოს გაფცქვნა, ან ბანანის დაჭრა ბავშვის ზომის აღჭურვილობების გამოყენებით.
• ნელი მოძრაობებით აჩვენეთ, თუ როგორ უნდა შეასრულოს ესა თუ ის დავალება და უფრო რთული მოძრაობები მარტივ ეტაპებად დაყავით, რათა თქვენმა შვილმა კარგად დაინახოს, რა უნდა გააკეთოს.
• როდესაც დაასრულებს, ასევე აჩვენეთ, როგორ გარეცხოს გამოყენებული ნივთები და დააბრუნოს ისინი კარადაში მათთვის განკუთვნილ ადგილას.

დაუთმეთ დრო

• თქვენი შვილი თქვენი ტემპით ვერ იმუშავებს, მაგრამ ამას მნიშვნელობა არ აქვს. ის ამას იმისთვის აკეთებს, რომ ჩაერთოს პროცესში და მონაწილეობა მიიღოს. სანამ ის ერთ კარტოფილს გაასუფთავებს, თქვენ ალბათ, 6-ს მოასწრებთ, თუ გინდათ, რომ გონივრულ დროს მიირთვათ.